Bjarni: Þurfum sátt um niðurskurðartillögur

Ríkisstjórnin þarf að finna leiðir til þess að skera niður og finna sem breiðasta sátt um niðurskurðartillögurnar, sagði Bjarni Benediktsson, formaður Sjálfstæðisflokksins, í utandagskrárumræðum á Alþingi eftir hádegi í dag.

Bjarni var málshefjandi umræður utan dagskrár um stöðu efnahagsmála í kjölfar vaxtaákvörðunar Seðlabankans í gær. Bjarni sagði að ríkisstjórnin legði til 37 milljarða í auknar skattheimtur á einstaklinga á sama tíma og kaupmáttur héldi áfram að rýrna.

Bjarni sagði að það væri óskynsamlegt að bæta skattahækkunartillögum ofan á efnahagsástandið. Hvatti Bjarni ríkisstjórnina til að skoða hugmyndir sjálfstæðismanna um breytingar á skattlagningu á greiðslur í lífeyrissjóði í stað þess að skattleggja greiðslur úr lífeyrissjóðum. Það myndi skila hinu opinbera 100 milljörðum. Þar af færu 70 milljarðar til ríkis en 30 til 40 milljarðar til sveitarfélaganna.