Sannfærandi sigur hjá Chelsea gegn Fulham

FA-bikarmeistarar Chelsea halda áfram að heilla í upphafi keppnistímabilsins í ensku úrvalsdeildinni og unnu Fulham 0-2 á Craven Cottage-leikvanginum í dag.

Chelsea var sterkari aðilinn í leiknum frá upphafi til enda. Framherjarnir Nicolas Anelka og Didier Drogba skoruðu mörk Chelsea sem skaust upp að hlið Tottenham á toppi deildarinnar með sigrinum og hefur nú unnið alla þrjá leiki sína til þess að deildinni.

Drogba kom Chelsea yfir á 39. mínútu eftir sendingu frá Anelka og þeir skiptu svo um hlutverk í síðari hálfleik á 76. mínútu þegar Anelka skoraði eftir sendingu frá Drogba.