Pulis: Stefnum á að fá fjóra nýja leikmenn til Stoke

Knattspyrnustjórinn Tony Pulis hjá Stoke ætlar greinilega að nýta tímann vel þangað til félagsskiptaglgganum verður lokað á morgun og hefur gefið út að hann vilji fá fjóra nýja leikmenn til félagsins.

„Við erum enn að leitast við að bæta leikmannahóp félagsins. Við viljum fá nýjan miðjumann, kantmann, framherja og varnarmann," segir Pulis.

Stoke gekk nýlega frá kaupunum á varnarmanninum Robert Huth og framherjanum Tuncay á 10 milljónir punda en félagið er sterklega orðað við miðjumanninn Diego Arismendi hjá Nacional og varnarmanninn Danny Collins hjá Sunderland.