Jerome frá í mánuð

Framherjinn Cameron Jerome verður frá næsta mánuðinn þar sem ökklameiðsli hans eru verri en í fyrstu var talið.

Jerome meiddist í fyrsta leik Birmingham á tímabilinu í síðasta mánuði, er liðið mætti Portsmouth. Í fyrstu var talið að hann yrði frá í 2-3 vikur en nú er komið í ljós að hann verður nú frá í mánuð til viðbótar.

„Jerome hefur farið í myndatöku og fréttirnar eru ekki góðar," sagði Alex McLeish, stjóri Birmingham. „Þetta er áfall því Cameron var ákafur að sýna okkur að hann væri að verða að úrvalsdeildarleikmanni."