Denilson og Bendtner framlengja við Arsenal

Arsene Wenger, stjóri Arsenal, brosir í dag þar sem þeir Denilson og Nicklas Bendtner hafa skrifað undir nýja samninga við félagið.

Báðir leikmenn eru aðeins 21 árs gamlir en spila þrátt fyrir ungan aldur stóra rullu í liði félagsins.

„Það var ótrúleg vinnsla á Denilson á síðustu leiktíð og það er verðmætt að eiga leikmenn sem berjast fram á síðustu mínútu," sagði Wenger.

„Við erum með stóran hóp af hæfileikaríkum leikmönnum og ég er sannfærður um að ef allir vinna saman getum við náð frábærum árangri."