Eiður Smári og Þóra knattspyrnufólk ársins

Eiður Smári Guðjohnsen og Þóra Björg Helgadóttir eru knattspyrnufólk ársins að mati Knattspyrnusambands Íslands.

Þetta er í sjötta sinn sem KSÍ útnefnir sérstaklega knattspyrnumann og -konu ársins.

Eiður Smári varð þrefaldur meistari með Barcelona á árinu og gekk svo í raðir Monaco í Frakklandi nú í haust.

Þóra Björg var lykilmaður íslenska landsliðsins á EM í Finnlandi í sumar og var svo kjörinn besti leikmaður úrvalsdeildarinnar í noregi þar sem hún sló í gegn með Kolbotn. Hún samdi svo við sænska úrvalsdeildarfélagið Malmö nú fyrir skömmu.

Kristján Örn Sigurðsson, Brann, varð annar hjá körlunum og Aron Einar Gunnarsson, Coventry, varð þriðji.

Hjá konunum varð Katrín Jónsdóttir, Val, í öðru sæti og Hólmfríður Magnúsdóttir, Kristianstad og síðar Philadelphia Independence, þriðja.