Enski boltinn

Everton kaupir rússneskan landsliðsmann

Henry Birgir Gunnarsson skrifar
Diniyar Bilyaletdinov.
Diniyar Bilyaletdinov. Nordic Photos/AFP

Everton hefur gengið frá kaupum á rússneska landsliðsmanninum Diniyar Bilyaletdinov frá Lokomotiv Moskva. Kaupverð var ekki gefið upp.

Þessi 24 ára gamli miðjumaður hefur leikið 28 landsleiki fyrir rússneska landsliðið. Hann hefur skrifað undir fimm ára samning við Everton og vinnur nú að því að fá vegabréfsáritun til Englands.

Bilyaletdinov segir það vera draumi líkast að fá tækifæri til þess að spila með stórliði á borð við Everton.

Hann verður ekki orðinn löglegur er Everton keppir í Evrópudeildinni á fimmtudag og hæpið er að hann spili með liðinu um helgina gegn Wigan.




Fleiri fréttir

Sjá meira


×