Innlent

Orkufyrirtæki í almannaeigu rædd á opnum fundi

Borgarfulltrúinn Þorleifur Gunnlaugsson verður einn frummælenda á fundinum í Grindavík. Hann á sæti í stjórn OR.
Borgarfulltrúinn Þorleifur Gunnlaugsson verður einn frummælenda á fundinum í Grindavík. Hann á sæti í stjórn OR. Mynd/Anton Brink

Vinstri græn boða til opins fundar í Salthúsinu í Grindavík til að ræða framtíð Hitaveitu Suðurnesja og hvernig tryggja megi eignarhald þjóðarinnar yfir auðlindum þjóðarinnar, að fram kemur í tilkynningu frá VG.

Frummælendur verða Jóna Kristín Þorvaldsdóttir, bæjarstjóri í Grindavík, og Þorleifur Gunnlaugsson, borgarfulltrúi og fulltrúi VG í stjórn Orkuveitu Reykjavíkur.

Orkufyrirtækið Magma Energy gekk nýverið frá kaupum Reykjanesbæjar í HS Orku. Fyrirtækið hefur nú gert Orkuveitu Reykjavíkur tilboð í hlut OR í HS Orku. Orkuveitan hefur frest fram til 31. ágúst til að svara tilboði Magma Energy.

Hugmyndir um að þessi eignarhlutur fari í eign einkaaðila hefur mætt töluverðri andstöðu að undanförnu.

Fundurinn í Salthúsinu í kvöld hefst klukkan átta. Hann er öllum opinn.




Tengdar fréttir

Munu kaup Magma Energy á HS Orku hafa áhrif á gengi krónunnar?

Kanadíska fyrirtækið Magma Energy gæti eignast 32% hlut í HS Orku til viðbótar þeim 11% hlut sem þeir eiga nú þegar. Eins og komið hefur fram í kvöldfréttum Stöðvar 2 og á Vísi, gæti kaupverðið numið um 12 milljörðum króna.

Tilboð Magma Energy er allt of mikil áhætta með of litlum tryggingum

„Tilboð Magma Energy í HS Orku er allt of mikil áhætta með of litlum tryggingum en einungis hlutir í Hitaveitu Suðurnesja eru að veði fyrir fyrir lokagreiðslum Magma Energy í HS Orku. Þá hafa þessir einkaaðilar haft sjö ár til að greiða sér arð, færa til eignir eftir hentugleikum en það er engin trygging fyrir því að verðmæti veðanna í HS Orku haldi verðgildi sínu," segir Sigrún Elsa Smáradóttir, borgarfulltrúi Samfylkingarinnar. Hún segir Reykjanesbæ hafa samið af sér.

Óttast að arður af orku renni úr landi

Orkuveita Reykjavíkur (OR) ætti að grípa inn í einkavæðingarferli HS Orku og nýta forkaupsrétt sinn til að eignast meirihluta í félaginu, segir Þorleifur Gunnarsson, fulltrúi Vinstri grænna í stjórn OR. Hann óttast að arður af jarðvarma á Suðurnesjum renni að mestu úr landi eftir einkavæðingu HS Orku.

Magma Energy stefnir hátt

Stjórnarformaður Magma Energy segir að stefna félagsins sé að verða eitt stærsta fyrirtæki í heimi á sviði jarðhitaorku. Félagið hefur nú hafið viðræður um kaup á hlut Orkuveitu Reykjavíkur í HS Orku.

Lífeyrissjóðir taki þátt í kaupum á HS Orku

Ríki og sveitarfélög hafa mikla hagsmuni af því að arður af auðlindum á borð við jarðvarma á Suðurnesjum verði eftir í landinu, segir Steingrímur J. Sigfússon fjármálaráðherra. Hann vill ekki að hlutur Orkuveitu Reykjavíkur í HS Orku verði seldur einka­aðilum.

Magma kemst í kringum íslensk lög

Kanadíska jarðhitafélagið Magma Energy kemst í kringum íslensk lög, sem takmarka fjárfestingar útlendinga í íslenskum orkufyrirtækjum, með sænsku skúffufélagi.

Mest lesið


Fleiri fréttir

Sjá meira


×

Mest lesið