Fjölmörg úrvalsdeildarfélög í kapphlaupi um Taylor

Varnarmaðurinn Steven Taylor hefur ekki farið leynt með að hann vilji yfirgefa herbúðir b-deildarfélagsins Newcastle áður en félagsskiptaglugganum lokar 1. september og kallaði félagið meðal annars hlægilegt og metnaðarlaust í nýlegu viðtali.

Ensku úrvalsdeildarfélögin Arsenal, Everton, Liverpool eru nú öll sögð hafa áhuga á að fá þennan fyrrum U-21 árs landsliðsmiðvörð Englands í sínar raðir en Tottenham og Aston Villa voru orðuð við leikmanninn fyrr í sumar.

Talið er að Newcastle sé tilbúið að selja Taylor ef kaupverð í kringum 8 milljónir punda verði lagt á borðið.