Megson: Þurfum að selja leikmenn til þess að kaupa leikmenn

Knattspyrnustjórinn Gary Megson hjá Bolton fer ekki leynt með að hann vilji fá fleiri leikmenn til félagsins áður en félagsskiptaglugganum lokar 1. september næstkomandi en viðurkennir að Bolton þurfi að selja leikmenn til þess að kaupa.

Megson er tilbúinn að láta Danny Shittu og Gavin McCann fara og Portsmouth er þegar komið í viðræður við Bolton.

„Það eru viðræður í gangi við Portsmouth út af Shittu og McCann en þær ganga því miður heldur hægt eins og staðan er núna. Það er hins vegar ljóst að til þess að kaupa nýja menn þurfum við að losa okkur við leikmenn í staðinn og það er það sem við erum að reyna að gera.

Hvort sem það er til Portsmouth eða einhvert annað. Þetta tekur hins vegar allt sinn tíma og við verðum að vera þolinmóðir," segir Megson í samtali við Sky Sports fréttastofuna.