Campbell fær hugsanlega að æfa með Arsenal

Varnarmaðurinn Sol Campbell sem fékk sig nýlega lausann frá fimm ára samningi við enska d-deildarfélagið Notts County en fyrrum landsliðsmaðurinn hefur kannað möguleikann á að æfa með sínum gömlu liðsfélögum í Arsenal.

Hinn 35 ára gamli Campbell lék með Arsenal frá árunum 2001-2006 og hefur haldið góðu sambandi við knattspyrnustjórann Arsene Wenger síðan þá.

„Ég hef talað við Arsene og hann var jákvæður á þetta og vonandi getum við fengið þetta í gegn að ég æfi og haldi mér í formi með Arsenal," segir Campbell í viðtali við enska fjölmiðla í dag.