Heskey íhugar að fara frá Villa

Emile Heskey hefur viðurkennt að íhugi nú að yfirgefa herbúðir Aston Villa til að auka líkurnar á því að hann verði valinn í HM-hóp Englands.

Heskey var kallaður aftur í enska landsliðið fyrr á þessu ári eftir sex ára fjarveru. Hann náði sér vel á strik með Wigan og var keyptur til Aston Villa í kjölfarið.

Hann hefur hins vegar átt erfitt með að tryggja sér fast sæti í byrjunarliði Villa á þessari leiktíð.

„Ég er mjög ánægður með að ég skuli fá að spila með enska landsliðinu en það er erfitt að fá ekki að spila með sínu félagi," sagði Heskey í samtali við enska fjölmiðla.

„Það er eitthvað sem ég þarf að skoða þegar ég kem til baka (eftir landsleikjahléð)."