Enski boltinn

Bolton staðfestir áhuga sinn á að fá Nolan aftur

Ómar Þorgeirsson skrifar
Kevin Nolan í leik með Newcastle á sínum tíma.
Kevin Nolan í leik með Newcastle á sínum tíma. Nordic photos/AFP

„Ég vildi ekki selja hann á sínum tíma. Við erum alla vega búnir að gera Newcastle tilboð um að fá Kevin Nolan að láni út yfirstandandi keppnistímabil en við höfum ekki enn fengið svar," segir knattspyrnustjórinn Gary Megson hjá Bolton í samtali við Sky Sports fréttastofuna.

Hinn 27 ára gamli Nolan var áður fyrirliði Bolton og mikilsvirtur af aðdáendum félagsins en hann gekk til liðs við Newcastle í félagsskiptaglugganum í janúar síðast liðnum á 4 milljónir punda en náði ekki að koma í veg fyrir að félagið félli um deild.

Nolan er eðlilega talinn viljugur að snúa aftur í úrvalsdeildina og ekki ólíklegt að hann muni stökkva á tækifærið að spila á ný með Bolton ef hann fengi tækifæri til.






Fleiri fréttir

Sjá meira


×