Rooney: Þetta var brot

Wayne Rooney segir að brotið var á sér þegar að vítaspyrna var dæmd á landslið Slóveníu í leiknum gegn Englandi í dag. Frank Lampard skoraði úr vítinu og England vann, 2-1.

Þetta segir Steven Gerrard, leikmaður Liverpool og félagi Rooney í landsliðinu.

„Wayne telur að hann hafi verið togaður niður," sagði Gerrard í samtali við enska fjölmiðla eftir leik. „Ég spurði hann strax hvort það hafi einhver snerting átt sér stað. Sjálfur sá ég þetta ekki nægilega vel því ég gaf sendinguna en Wayne sagði þetta."

Þetta er í annað sinn sem Rooney fær umdeilt víti á skömmum tíma - hitt var í ensku úrvalsdeildinni í leik Manchester United gegn Arsenal.