Meiðsli Sneijder ekki slæm

Meiðsli Hollendingsins Wesley Sneijder eru ekki eins alvarlega og í fyrstu var óttast. Hann var fluttur upp á sjúkrahús eftir leik Hollands og Japan í gær.

Holland vann leikinn, 3-0, og skoraði Sneijder eitt marka Hollands. Hann meiddist á ökkla í leiknum og var borinn af velli.

Eftir leik sagði Bert van Marwijk, þjálfari Hollands, að útlitið væri ekki gort. Sneijder hefði „heyrt eitthvað brotna."

En eftir nánari rannsóknir kom í ljós að það er ekkert brotið. Hann fer aftur í rannsóknir á morgun og kemur þá betur í ljós hvort hann geti spilað gegn Hollandi á miðvikudag, í undankeppni HM 2010.

Þetta eru slæmar fréttir fyrir Skota enda þurfa þeir nauðsynlega á sigri að halda í leiknum á miðvikudag til að komast í umspil um sæti á HM.