Benitez: Ánægður með Johnson

Rafael Benitez, stjóri Liverpool, var að vonum hæstánægður með stórsigur sinna manna í kvöld. Hann var sérstaklega ánægður með Glen Johnson sem átti klassaleik.

„Við vildum fá leikmann sem gæti skorað og lagt upp mörk. Hann er afar öflugur í sóknarleiknum og lék vel. Hann getur nýst okkur mjög vel gegn liðum sem liggja mjög djúpt á móti okkur," sagði Benitez.

„Í fyrra gegn Stoke náðum við bara ekki inn marki til þess að draga liðið fram á völlinn. Nú náðum við marki snemma og í kjölfarið kom pláss á vellinum til þess að sækja."