Enska 1. deildin: Dapurt hjá Íslendingaliðunum

Aron Einar Gunnarsson var eini Íslendingurinn í byrjunarliði síns liðs í leikjum kvöldsins í ensku 1. deildinni.

Aron lék allan leikinn á miðjunni hjá Coventry er liðið gerði óvænt markalaust jafntefli gegn Doncaster.

Heiðar Helguson spilaði síðustu sex mínúturnar fyrir QPR sem lá 0-1 fyrir Bristol City.

Emil Hallfreðsson var ekki í leikmannahópi Barnsley sem steinlá gegn Preston, 0-3.

Brynjar Björn Gunnarsson kom síðan ekkert við sögu hjá Reading og fylgdist með af bekknum er Reading gerði markalaust jafntefli við Swansea.