Platini ánægður með FIFA

Michel Platini, forseti Knattspyrnusambands Evrópu, er ánægður með úrskurð Alþjóðasambandsins, FIFA, í Chelsea-málinu.

Chelsea hefur verið bannað að skrá nýjan leikmann á leikmannalista félagsins þar til í janúar 2011 vegna þess að félagið lokkaði til sín táninginn Gael Kakuta frá Lens fyrir tveimur árum.

Chelsea var sektað sem og leikmaðurinn sjálfur sem var einnig dæmdur í fjögurra mánaða leikbann.

„Þetta er ákvörðun sem FIFA tók en við höfum áhuga á þessum atburðum," sagði Platini í samtali við enska fjölmiðla.

„Það er nauðsynlegt að það skuli ríkja strangar reglur um félagaskipti unglinga. Það verður að stöðva ólögleg félagaskipta ungra leikmanna," bætti hann við.