Negredo kemur ekki til Hull

Knattspyrnustjórinn Phil Brown hjá Hull hefur staðfest að framherjinn Alvaro Negredo sé ekki á leiðinni til félagsins frá Real Madrid en spænskir fjölmiðlar héldu því fram að fyrirhugað kaupverð Hull hafi verið 12 milljónir punda.

Þetta eru enn ein vonbrigðin fyrir Brown og félaga á leikmannamarkaðnum í sumar og frekar svekkjandi tíðindi í ljósi þess að Hull var kjöldregið 1-5 gegn Tottenham í gær.

„Strákurinn vildi einfaldlega vera áfram á Spáni. Við reyndum allt sem við gátum og ég tek hatt minn ofan fyrir stjórnarformanninum að fá í fyrsta lagi tækifæri til þess að tala við jafn öflugan leikmann og Negredo og tjalda öllu til þess að fá hann til Hull.

Ég þó ekki neitað því að ég er vonsvikinn með niðurstöðu málsins," segir Brown í viðtali við blaðamenn í leikslok í gærkvöld.