West Ham og Chelsea í viðræðum vegna bótagreiðslu fyrir Nouble

Samkvæmt heimildum Sky Sports fréttastofunnar er framherjinn ungi Frank Nouble að gangast undir læknisskoðun hjá West Ham en félagið er einnig í viðræðum við Chelsea vegna bótagreiðslu fyrir hinn 17 ára gamla leikmann.

Nouble, sem leikið hefur fyrir unglinga -og varalið Chelsea við góðan orðstír, neitaði nýlega samningsboði frá Chelsea og samkvæmt Sky Sports ákvað hann að færa sig um set í Lundúnum til þess að auka möguleika sína á að spila aðalliðsleiki í ensku úrvalsdeildinni sem fyrst.

West Ham mun hafa boðið hinum háttskrifaða Nouble fimm ára samning og búist er við því að gengið verði frá málum fyrir helgi.