Tevez: Manchester United liðið saknar Cristiano Ronaldo

Carlos Tevez, framherji Manchester City, sagði eftir 3-4 tapið á móti sínum gömlu félögum í Manchester United að United sakni greinilega Cristiano Ronaldo sem var seldur til Real Madrid í sumar.

„Það vill enginn segja það á Old Trafford en United saknar Ronaldo. Þeir hafa náð góðum úrslitum án hans en Ronaldo er sönn stjarna og það sést að hann er ekki í liðinu lengur. Ferguson getur ekki neitað því," sagði Tevez.

„Nani og Anderson eru vinir mínir og geta hjálpa til en skarðið sem Cristiano skildi eftir sig er gríðarlega stórt og vanfyllt," sagði Tevez og bætti við: „Fólk getur sagt að United sé sigurstranglegast en þeir verða að hafa meira fyrir þremur stigum en áður," sagði Argentínumaðurinn sem átti ágætan leik á móti Manchester United.