Danny Collins til Stoke

Stoke hefur keypt Danny Collins fyrir 2,75 milljónir punda frá Sunderland. Collins er 29 ára gamall varnarmaður.

Collins var fyrirliði Sunderland í fyrstu tveimur leikjum liðsins á tímabilinu en bætist nú í hóp nýrra leikmanna hjá Stoke. Meðal þeirra eru einnig Robert Huth, Dean Whitehead, Tuncay og Diego Arismendi.

„Eitt það því sem er gott við þetta er að það eru svo mikið af kunnulegum andlitum hjá félaginu. Margir leikmannanna voru áður hjá Sunderland," sagði Collins.

„Þetta gerðist allt mjög hratt. Fyrir fáeinum vikum var ég fyrirliði Sunderland á undirbúningstímabilinu en stjórinn, Steve Bruce, gat ekki tryggt mér öruggt sæti í byrjunarliðinu þar sem hann ætlaði að fá nýja leikmenn til félagsins."

Stoke hefur alls eytt um 18,5 milljónum punda í leikmannakaup í sumar. Collins hóf sinn atvinnumannaferil hjá Chester City og fór til Sunderland í október árið 2004 fyrir 140 þúsund pund.