Tottenham og Sunderland náðu ekki að skipta á leikmönnum

Samkvæmt heimildum Sky Sports fréttastofunnar voru ensku úrvalsdeildarfélögin Tottenham og Sunderland að reyna að skipta á leikmönnum áður en félagsskiptaglugganum lokaði en náðu ekki að ganga frá málunum í tíma.

Til stóð að miðvörðurinn Anton Ferdinand myndi fara til Tottenham en bakvörðurinn Alan Hutton átti að fara í hina áttina. Fyrirhugað var að leikmennirnir yrðu í láni, til að byrja með í það minnsta.

Skotinn Hutton hefur ekki náð að festa sig í sessi í Lundúnum eftir félagsskipti sín frá Rangers en meiðsli hafa þar spilað inn í.