Neill skoðar möguleikann á að fara til Spánar eða Þýskalands

Ástralinn Lucas Neill hefur enn ekki fundið nýtt félag eftir að samningur hans við West Ham rann út í sumar en varnarmaðurinn neitaði nýju samningsboði frá Lundúnafélaginu.

Neill hefur verið orðaður við Sunderland og Galatasaray auk þess sem Sky Sports fréttastofan hefur heimild fyrir því að hann sé með tilboð frá félögum á Spáni og í Þýskalandi.

Neill þarf þó ekki að finna sér nýtt félag fyrir lok félagsskiptagluggans á morgun, frekar en hann vill, þar sem hann er fáanlegur á frjálsri sölu.