Knattspyrnustjóri Barnsley rekinn - ekkert nýtt fyrir Emil

Knattspyrnustjórinn Simon Davey var látinn taka pokann sinn um helgina frá enska b-deildarfélaginu Barnsley eftir tveggja og hálfs árs veru en Emil Hallfreðsson er á láni hjá félaginu frá ítalska b-deildarfélaginu Reggina.

Barsley er sem stendur í botnsæti ensku b-deildarinnar með eitt stig eftir fimm leiki.

Þetta er ekki beint ný reynsla fyrir Emil að skipt sé um knattspyrnustjóra því á þeim tveimur árum sem hann lék með Reggina frá 2007-2009 skipti ítalska félagið alls fimm sinnum um knattspyrnustjóra.