Franskur miðjumaður á reynslu hjá Tottenham

Sky Sports fréttastofan greinir frá því að miðjumaðurinn Kevin Anin sé þessa dagana á reynslu hjá Harry Redknapp og félögum í Tottenham en Anin er á mála hjá franska félaginu Le Havre.

Hinn 23 ára Anin kom upp í gegnum unglingastarf Le Havre líkt og leikmenn á borð við Lassana Diarra og Charles N'Zogbia og er eftirsóttur af stærstu félögunum í Frakklandi en er talinn viljugri að stökkva á tækifærið á að komast í ensku úrvalsdeildinni ef það býðst.

Knattspyrnustjórinn Redknapp hefur verið að leita af meiri líkamlegri styrk inn á miðjuna hjá Tottenham og svo gæti farið að hann hafi fundið rétta mannin í Anin en leikmaðurinn þótti einnig efnilegur hnefaleikamaður á sínum yngri árum.