Lampard rólegur þrátt fyrir markaþurrð

Frank Lampard hjá Chelsea er best þekktur fyrir markaskorunarhæfileika sína en hann hefur skorað yfir tuttugu mörk af miðjunni öll síðustu fjögur síðustu tímabil með Lundúnafélaginu.

Það telst því til tíðinda að enski landsliðsmaðurinn sé ekki búinn að skora nema eitt mark í fyrstu átta deildaerleikjunum á yfirstandandi tímabili í ensku úrvalsdeildinni og það kom úr vítaspyrnu.

„Maður gengur alltaf í gegnum þessa tíma þar sem boltinn virðist ekki vilja fara í markið og það þarf bara að halda einbeitingunni og halda áfram. Ég hef verið að komast framar á völlinn á þessu tímabili en oft áður en ég er ekkert endilega að fá fleiri marktækifæri samt.

Þegar maður er með jafn góða framherja fyrir framan sig og Drogba og Anelka þá leitar maður náttúrulega fyrst að þeim til þess að hæfileikar þeirra nýtist sem best fyrir liðið," segir Lampard en næsta mark sem hann skorar fyrir Chelsea kemur honum í fimmta sæti yfir markahæstu leikmenn félagsins frá upphafi.