Íslenski boltinn

Umfjöllun: Heppnin með Grindavík

Guðmundur Marinó Ingvarsson skrifar
Kjartan Ágúst Breiðdal, leikmaður Fylkis.
Kjartan Ágúst Breiðdal, leikmaður Fylkis. Mynd/Stefán

Grindavík landaði sínum öðrum sigri á tímabilinu þegar liðið lagði Fylki, 3-2, í Árbænum. Grindavík lyfti sér þar með úr fallsæti en Fyki mistókst að lyfta sér í annað sæti deildarinnar.

Fylkir hóf leikinn vel og komst yfir strax á 7. mínútu úr sínu fyrsta færi. Fylkismenn voru mikið betri í fyrri hálfleik. Ólafur Ingi Stígsson og Valur Fannar Gíslason eignuðu sér miðjuna með hjálp samherja sinna og stjórnuðu leiknum. Fylkir skapaði sér mörg færi en voru mislagðir fætur upp við markið. Grindvíkingar fengu nokkrar skyndisóknir og hefðu Fylkismenn átt að sjá að Grindvíkingar geta hæglega sótt þegar þeir fá pláss

Grindvíkingar fengu pláss í upphafi síðari hálfleiks og skoruðu tvö mörk á fyrstu sjö mínútunum en í stað þess að láta kné fylgja kviði lögðust gestirnir í vörn sem hefði hæglega getað komið í bakið á þeim.

Grindvíkingar björguðu tvisvar á marklínu auk þess sem Óskar Pétursson fór mikinn í markinu. Skyndisóknir Grindavíkur byggðust upp á Mbang Ondo og Scott Ramsay og náði sá fyrrnefndi að gera út um leikinn þegar tíu mínútur voru til leiksloka með góðu einstaklingsframtaki eina af fáum skyndisóknum gestanna eftir að þeir komust yfir.

Fylkismenn reyndu allt hvað þeir gátu að minnka muninn og það tókst í uppbótartíma en það mark kom einfaldlega of seint og fyrsta tap Fylkis á heimavelli á tímabilinu staðreynd.

 

Fylkir-Grindavík 2-3

1-0 Ingimundur Níels Óskarsson (7.)

1-1 Jóhann Helgason (48.)

1-2 Scott Ramsay (52.)

1-3 Gilles Ondo (80.)

2-3 Albert Ingason (90.)

Dómari: Kristinn Jakobsson 5 / Áhorfendur: 1011

Skot (á mark): 22(12)-12(4)

Varið: 2-8

Aukaspyrnur: 7-11

Horn: 10-6

Rangstöður: 0-1

Fylkir 4-3-3:

Daníel Karlsson 4

Andrés Már Jóhannesson 7

Kristján Valdimarsson 5

Einar Pétursson 6

Þórir Hannesson 6

(55. Tómas Þorsteinsson 5)

Valur Fannar Gíslason 7

Ólafur Ingi Stígsson 7

(62. Ásgeir Börkur Ásgeirsson 6)

Halldór Arnar Hilmisson 4

(66. Jóhann Þórhallsson 4)

Ingimundur Níels Óskarsson 7

Albert Brynjar Ingason 6

Kjartan Ágúst Breiðdal 6

Grindavík 4-5-1:

*Óskar Pétursson 7 - Maður leiksins

Óli Baldur Bjarnason 3

(86. Páll Guðmundsson -)

Zoran Stamenic 6

Marko Valdimar Stefánsson 5

Jósef Kristinn Jósefsson 6

Ray Anthony Jónsson 6

Óttar Steinn Magnússon 3

Jóhann Helgason 6

Scott Mckenna Ramsay 6

Emil Daði Símonarson 4

(78. Þórarinn Brynjar Kristjánsson -)

Giles Daniel Mbang Ondo 6


Tengdar fréttir

Lúkas Kostic: Sýndum mikinn karakter

Lúkas Kostic þjálfari Grindavíkur fagnaði innilega eftir leikinn gegn Fylki enda fyrsti sigur liðsins í deildinni síðan í maí staðreynd og liðið komið úr fallsæti.




Fleiri fréttir

Sjá meira


×