Lúkas Kostic: Sýndum mikinn karakter

Lúkas Kostic þjálfari Grindavíkur fagnaði innilega eftir leikinn gegn Fylki enda fyrsti sigur liðsins í deildinni síðan í maí staðreynd og liðið komið úr fallsæti.

"Þeir áttu mörg færi og þessi leikur gat farið á hvorn vegin sem var. við lögðum það upp eftir ósigurinn gegn FH að við þyrftum breyta okkar hegðun á vellinum og fara að berjast. Þurfum að hlaupa. Það eru margir ungir strákar í liðinu sem eru ekki vanir að spila á fárra daga millibili en það var baráttan í dag sem færði okkur þessi þrjú stig," sagði Lúkas Kostic glaður við Vísi eftir leikinn.

"Það vantaði fjóra byrjunarliðsmenn það er gríðarlega mikill karakter að standa af sér áfall eftir áfall þegar menn detta út rétt fyrir leik."

"Við dekkuðum menn á miðjunni ekki nógu vel í fyrri hálfleik og bakverðirnir okkar voru allt of innarlega. við löguðum það eftir hlé og fengum fleiri tækifæri til að sækja með því að vera þéttari á miðjunni og loka á bakverðina þeirra."

"Það er erfitt fyrir okkur að tala um stöðuna í deildinni fyrr en við höfum náðu einhverju stöðugleika. Við höfum ekki verðskuldað betri stöðu en við erum í til þessa í sumar," sagði Lúkas að lokum.