Puyol skyndilega orðaður við Arsenal

Spænskir fjölmiðlar greina frá því að Arsenal hafi mikinn áhuga á að krækja í varnarmanninn og fyrirliðann Carles Puyol hjá Barcelona.

Samningur Puyol við Barcelona rennur út næsta sumar og erfiðlega hefur gengið í samningaviðræðum um nýjan samning og Arsenal er sagt vera að fylgjast náið með gangi mála.

Hinn 31 árs gamli Puyol hefur leikið allan sinn feril með Börsungum en hann er sagður ætla að bíða með að taka ákvörðun um framtíð sína þangað til í janúar þegar félagaskiptaglugginn opnar.