England: Arsenal og Manchester United í eldlínunni

Sex leikir fara fram í ensku úrvalsdeildinni í dag.

Spennandi verður að sjá hvort að Arsenal bjóði upp á aðra flugeldasýningu þegar Portsmouth kemur í heimsókn á Emirates-leikvanginn en Lundúnafélagið slátraði sem kunnugt er Everton 1-6 í fyrsta leik sínum í deildinni.

Englandsmeistarar Manchester United mæta Wigan og vilja eflaust ólmir gleyma tapinu gegn nýliðum Burnley í miðri viku og mæta væntanlega grimmir til leiks á DW-leikvanginn.

United hefur unnið alla níu deildar og bikarleiki sem þeir hafa spilað gegn Wigan.

Allir leikir dagsins hefjast allir kl. 14:

Arsenal-Portsmouth

Birmingham-Stoke

Hull-Bolton

Manchester City-Wolves

Sunderland-Blackburn

Wigan-Manchester United