Wenger útilokar ekki að fá Vieira

Knattspyrnustjórinn Arsene Wenger hjá Arsenal gefur í skyn í nýlegu viðtali að hann sé enn ekki búinn að útiloka að fá miðjumanninn Patrick Vieira aftur til félagsins frá Inter.

„Ég hef ekki enn talað við Inter út af Patrick en félagsskiptaglugganum lokar ekki fyrr en 1. september þannig að möguleikinn er vissulega enn fyrir hendi," segir Wenger í viðtali við Daily Mirror.

Vieira sjálfur virðist þó helst reikna með því að vera áfram í herbúðum Inter þó svo að hann eigi ekki fast sæti í liði José Mourinho.

„Maður veit aldrei hvað getur gerst en eins og staðan er núna vill ég vera áfram hjá Inter og hef í raun enga ástæðu til þess að vilja fara," segir Vieira í viðtali við L'Equipe.