City búið að leggja fram þriðja kauptilboðið í Lecott

Samkvæmt breskum fjölmiðlum í dag virðist varnarmaðurinn Joleon Lescott vera að færast nær Manchester City eftir að félagið lagði fram þriðja kauptilboðið í leikmanninn upp á 21 milljón punda en Everton var áður búið að hafna kauptilboðum upp á 15 og 18 milljónir punda.

Knattspyrnustjórinn David Moyes hjá Everton hefur verið óhagganlegur til þessa varðandi stöðu Lescott og ítrekað að leikmaðurinn sé ekki til sölu.

Í ljósi þess að Lescott lagði sjálfur fram beiðni um að vera settur á sölulista og mætti svo ekki á æfingu degi fyrir mikilvægan leik í Evrópudeild UEFA gæti Moyes nú hugsanlega skipt um skoðun ef fregnirnar af þriðja kauptilboðinu reyndust réttar.