Stamenic með svínaflensu - ellefu Grindvíkingar veikir

Ástandið heldur áfram að versna í Grindavík en nú hefur fengist staðfest að Zoran Stamenic er með svínaflensu rétt eins og Óli Stefán Flóventsson.

Grindvíkingar hafa einnig fengið niðurstöðu úr sýnum Scott Ramsay og er það staðfest að hann er ekki með svínaflensu.

Tveir leikmenn Grindavíkur í víðbót veiktust í gær og hafa þar með alls ellefu leikmenn Grindavíkur lagst í rúmið.

Þeir sem veiktust í gær eru Jósef Kristinn Jósefsson og Eysteinn Húni Hauksson Kjerúlf.

Þorsteinn Gunnarsson, formaður knattspyrnudeildar, staðfesti þetta við Vísi nú áðan.