Martinez: Það er enginn ágreiningur á milli mín og Scharner

Knattspyrnustjórinn Roberto Martinez hjá Wigan hefur vísað sögusögnum um að hann og varnar -og miðjumanninum Paul Scharner hafi lent saman eftir sigur liðsins gegn Aston Villa um helgina.

Scharner hefur sterklega verið orðaður við félagsskipti frá Wigan í sumar og hefur látið í ljós óánægju sína með að fá ekki að spila á miðjunni en hann var í miðju varnarinnar gegn Aston Villa.

„Það er ekkert ósætti á milli okkar. Það er rétt að Paul getur leyst margar stöður á vellinum og það er mikill styrkur fyrir okkur. Hann er líka frábær atvinnumaður og sýndi það enn og aftur um helgina. Hann er mikilvægur leikmaður fyrir Wigan," segir Martinez.