Petit hissa á að Wenger sé enn að stýra Arsenal

Gamla Arsenal-stjarnan, Emmanuel Petit, hefur varað Arsene Wenger, stjóra Arsenal, við því að hann þurfi að vinna titil í ár eigi pressan á honum ekki að verða of mikil.

Arsenal hefur ekki unnið dollu í fjögur ár og pressan er á Wenger að sögn Petit.

„Eftir svona mörg ár án titils er ég hissa á því að Wenger sé enn að stýra liðinu. Þegar stjóri vinnur ekki titil í fjögur ár hjá öðrum stórum félögum í Evrópu þá er hann rekinn," sagði Petit.

„Arsene hefur traust stjórnarinnar með sér sem og stuðningsmannanna því þeir vita að hann er að koma með nýja kynslóð leikmanna. Ef hann getur haldið þessu liði saman mun það vinna titla.

Ef liðið vinnur samt ekki titil í fimm ár þá munu einhverjir leikmenn hugsa ð þeir vilji ekki eyða meiri tíma hjá félaginu, þeir munu vilja vinna titla annars staðar," sagði Petit.