O´Neill ósáttur við stuðningsmenn Villa

Martin O´Neill, stjóri Aston Villa, heldur áfram í stríði sínu gegn stuðningsmönnum Aston Villa en hann var byrjaður að rífast við þá á síðustu leiktíð.

O´Neill var afar hneykslaður á því að stuðningsmennirnir skildu baula á leikmennina eftir óvænt 2-0 tap gegn Wigan í fyrstu umferð.

„Ég á ekki til orð yfir þessari hegðun. Að fá þessa útreið eftir Wigan-leikinn var ekki verðskuldað. Auðvitað borga stuðningsmenn sinn pening fyrir skemmtunina og þeir hafa rétt á að gagnrýna en það getur farið illa í unga og óharðnaða menn," sagði O´Neill.

Villa byrjaði tímabilið illa með tapi gegn Wigan og svo Rapid Vín í Evrópukeppninni. Liðið datt svo í gírinn í gær er það skellti Liverpool.

Það var fyrsti sigur liðsins gegn Liverpool í átta ár.