Lescott genginn í raðir City

Joleon Lescott er genginn til liðs við Manchester City en hann skrifaði undir fimm ára samning við félagið í kvöld.

City er talið hafa borgað Everton 22 milljónir punda fyrir leikmanninn og hefur því City eytt rúmlega 120 milljónum pundum í leikmannakaup í sumar.

David Moyes, stjóri Everton, var í fyrstu harðákveðinn í því að selja Lescott ekki og sakaði forráðamenn City um „viðbjóðslega" hegðun í þessu máli.

Mark Hughes, stjóri City, sagði á heimasíðu félagsins að hann væri hæstánægður með að Lescott væri kominn til félagsins.

„Mér finnst að við höfum fengið varnarmann í hæsta gæðaflokki. Hann getur spilað í nokkrum stöðum í vörninni og ég er viss um að koma hans muni hafa góð áhrif á gengi liðsins."

Lescott er þar með orðinn annar dýrasti enski varnarmaðurinn í sögunni, á eftir Rio Ferdinand.

Richard Dunne, varnarmaður City, hefur verið sagður á leið frá félaginu og er nú helst orðaður við Aston Villa.