Campbell á leið til Sven Görans

Endurreisn Notts County undir stjórn Svíans Sven-Göran Eriksson er hafin. Í dag mun félagið væntanlega tilkynna um komu Sol Campbell, fyrrum landsliðsmanns Englands.

Campbell, sem orðinn er 34 ára, er án samnings eftir að hafa klárað samning sinn við Portsmouth í lok síðasta tímabils.

Ekki liggur ljóst fyrir hvert hlutverk Campbell verður nákvæmlega en talað er um að hann verði leikmaður, þjálfari og jafnvel sendiherra félagsins.

Talið er að Campbell hafi fengið tilboð frá Grikklandi og Tyrklandi í sumar sem og frá Hull, Newcastle og Ajax.

Það myndi því óneitanlega vekja athygli ef Campbell krotar undir hjá félaginu á eftir.