Léku síðast á afmælisdaginn sínum fyrir tíu árum og töpuðu þá 1-3

Þróttarar fagna sextugsafmæli félagsins í dag en Þróttur var stofnað 5 ágúst 1949. Þróttarar halda upp á daginn með því heimsækja Fjölnismenn í Grafarvoginn í sannkölluðum sex stiga leik í fallbaráttu Pepsi-deildar karla. Þetta verður fyrsti leikurinn undir stjórn Þorsteins Halldórssonar.

Það er liðinn áratugur síðan að karlalið Þróttar lék síðast á afmælisdegi sínum en það var í tólftu umferð 1. deildar 1999 eða sama dag og félagið fagnaði hálfrar aldar afmæli sínu. Þróttur fór þá í heimsókn til Stjörnumanna í Garðabæinn en fékk þó engin stig í tilefni dagsins. Þróttarar vonast örugglega eftir betri afmælisuppskeru í kvöld.

Stjörnumenn gáfu Þrótturum 50 rauðar rósir fyrir leikinn en skoruðu síðan þrjú mörk á fyrstu 39 mínútunum og unnu leikinn 3-1. Boban Ristic skoraði tvö mörk fyrir Stjörnumenn.

Þorsteinn Halldórsson, núverandi þjálfari Þróttaraliðsins, var fyrirliði Þróttar í þessum afmælisleik fyrir áratug síðan en þjálfari liðsins var þá Willum Þór Þórsson.