Dyr opnast að olíuiðnaði

Áður var Sagex Petrolium búið að staðfesta að það hefði sótt um en menn biðu spenntir í þéttsetnum sal Orkustofnunar að heyra hver hinn umsækjandinn væri, Aker Exploration. Það er í eigu eins ríkasta manns Noregs, Kjell Inge Rökke, og er hluti af Aker samsteypunni sem er með höfuðstöðvar á Fornebu í Osló. Aker er stærsta iðnaðarsamsteypa Noregs og smíðar meðal annars olíuborpalla eins og þennan sem Stöð 2 sýndi nýlega en hann er sérstaklega gerður til að olíuleitar við aðstæður eins og á Drekasvæðinu. Sagex Petrolium er með höfuðstöðvar við hlið ráðhússins í Osló en forstjóri þess, Terje Hagevang, vann sína doktorsritgerð um Drekasvæðið. Félagið er að fimmtungi í eigu Íslendinga, en í þeim hópi er eigandi BYKO stærstur. Iðnaðarráðherra sagði þetta stóran dag.

Hér sjáum við þá reiti sem sótt var um og líklegastir þykja til að geyma olíu en hver umsækjandi mátti sækja um tvo reiti. Tveir reitanna eru innan svæðis sem Norðmenn eiga 25 prósent nýtingarrétt á, og annar þeirra alveg við lögsögumörk ríkjanna. Tveir syðstu reitirnir eru þeir sem Íslendinga ráðstafa að öllu leyti.

Hjá Orkustofnun fagna menn því sérstaklega að umsóknir fyrirtækjanna skarast ekki. Bæði hefði þá þurft að synja öðru fyrirtækinu um viðkomandi svæði en einnig fáist með þessu víðtækari þekking á svæðinu í heild. Sérleyfin verða gefin út fyrir október í haust og í framhaldinu af því fara fyrirtækin í nákvæmari rannsóknir áður en þau senda fyrstu borpalla á svæðið.