Giggs planar að hætta á toppnum - útilokar ekki að fara út í þjálfun

„Fótbolti er líf mitt og yndi en ég ætla ekki að vera enn að þegar ég verð fertugur. Ég gæti þó mögulega leitað að einhverjum öðrum áskorunum innan fótboltans eftir að ég legg skóna á hilluna," segir Ryan Giggs hjá Englandsmeisturum Manchester United í nýlegu viðtali við Sunday Mirror.

„Þegar líkami minn þolir ekki lengur að spila í ensku úrvalsdeildinni þá mun ég segja þetta gott. Ég hef ekki áhuga á að leika í neðri deildum til þess að lengja feril minn. Ég vill hætta á toppnum.

Það er svo aldrei að vita hvað maður gerir ef einhver önnur tækifæri bjóðast um að halda áfram að vinna í kringum fótboltann. Hvort sem það sé í þjálfun eða einhverju öðru. Ég útiloka það alla vega ekki," segir hinn tæplega 36 ára gamli Giggs.