Matt Taylor framlengir samning sinn við Bolton

Miðjumaðurinn Matt Taylor bættist í hóp með þeim Kevin Davies og Gary Cahill þegar hann skrifaði undir framlengingu á samningi sínum við Bolton.

Hinn 27 ára gamli Taylor kom til Bolton í janúar í fyrra og hefur síðan slegið í gegn á Reebok-leikvanginum.

Knattspyrnustjórinn Gary Megson hjá Bolton er afar sáttur við að vera búinn að tryggja sér þjónustu Taylor næstu árin eða til loka tímabils 2012.

„Matt er mjög vinnusamur leikmaður og þú getur alltaf treyst á að hann leggi sig hundrað prósent í verkefnið. Hann var lykilmaður hjá okkur á síðustu leiktíð og það sama mun gilda á yfirstandandi leiktíð.

Hann og fjölskylda hans eru búin að koma sér vel fyrir á svæðinu og ég er sannfærður um að hann eigi fyrir höndum bjarta framtíð með Bolton," segir Megson.