Umboðsmaður: Nemanja Vidic er ánægður hjá Manchester United

Paolo Fabbri, umboðsmaður varnarmannsins Nemanja Vidic hjá Manchester United, hefur tekið fyrir að hafa sagt leikmanninn hafa áhuga á að fara til Barcelona í viðtali við spænska fjölmiðla á dögunum.

Umboðsmaðurinn segir að orð sín hafi verið tekin úr samhengi og að leikmaðurinn sé ánægður í herbúðum United.

„Þetta var ekki satt. Ég sagði aldrei þessa hluti sem voru eignaðir mér. Nemanja er ánægður hjá Manchester United og ef Barcelona myndi koma með kauptilboð þá yrði það algjörlega í höndum United að taka ákvörðunina um framhaldið," segir Fabbri.