Bentley missir ökuréttindin í eitt ár

Vængmaðurinn David Bentley hjá Tottenham hefur loks fengið refsingu fyrir glæfraakstur sinn um miðjan ágúst þegar hann klessukeyrði Porsche bifreið sína á ljósastaur í Hertfordshire á Englandi.

Bentley var drukkinn þegar hann keyrði á og játaði sig sekann fyrir dómsstólum um að hafa drukkið fjóra stóra bjóra og tvo aðra áfenga drykki til viðbótar áður en hann keyrði af stað.

Bentley missir ökuréttindi sín í eitt ár fyrir vikið auk þess sem Tottenham sektaði leikmanninn en Bentley hefur síðan opinberlega beðist afsökunar á athæfi sínu á heimasíðu Tottenham.