James Blunt í kvennafans - myndir

Íslandsvinurinn James Blunt tók sér hvíld frá tónleikahaldi ásamt Gary Dourdan, CSI leikaranum sem var handtekinn í Palm Springs sofandi í bíl sínum 28. apríl síðastliðinn með eiturlyf í fórum sínum.

Blunt og Dourdan skemmtu sér í kvennafans eins og myndirnar sýna þar sem þeir pósuðu í ýmsum stellingum á milli þess sem þeir kældu sig niður.

„Ég hata athyglina og skil ekki frægt fólk sem reynir að vekja á sér athygli. Það er einhvers konar skrýtin fíkn. Ég vil helst að enginn taki eftir mér. Ég ætlaði mér alltaf að verða tónlistarmaður en allt hitt kom án þess að ég bæði um það," segir Blunt sem seldi tólf milljón plötur af sinni fyrstu breiðskífu Back To Bedlam.