Brad Guzan í markið hjá Villa

Aston Villa hefur komist að samkomulagi við bandaríska félagið Chivas USA um kaupverðið á markverðinum Brad Guzan. Upphæðin er talin nema tveimur milljónum punda.

Guzan er 23 ára og á fimm landsleiki að baki fyrir Bandaríkin. Villa hefur verið í leit að nýjum markverði síðan Scott Carson fór aftur til Liverpool eftir lánssamning og Thomar Sörensen var leystur undan samningi.

Bandaríkin hafa framleitt fjöldan allan af frábærum markvörðum en með því að fara í ensku úrvalsdeildina er Guzan að feta í fótspor Kasey Keller, Brad Friedel, Tim Howard og Marcus Hahnemann.