Sturla Jónsson: „Lífið er of stutt til þess að vera að standa í deilum“

Sturla Jónsson, vörubílstjóri, segir það ekki mikið vandamál þó að stjórnmálahreyfingin sem hann stofnaði í gær fái ekki að heita Lýðræðisflokkurinn en Ástþór Magnússon á nafnið. „Þetta verður ekkert flóknara en svo að við opnum heimasíðu og leyfum landsmönnum að velja nafn á flokkinn. Við erum líka að stofna þennan flokk fyrir fólkið í landinu," útskýrir Sturla.

Sturla segir það skipta litlu máli þó nafnið sé upptekið enda vilji hann ekki stofna til illdeilna við Ástþór. „Lífið er of stutt til að vera að standa í deilum."