Santa Cruz ánægður hjá Blackburn

Roque Santa Cruz, sóknarmaður Blackburn, segist ekki vera að sækjast eftir því að fara frá liðinu. Manchester United, Manchester City og Arsenal hafa sýnt leikmanninum áhuga.

Santa Cruz er 26 ára en hann skoraði 23 mörk á síðasta tímabili. „Ég lifi í nútíðinni og einbeiti mér að Blackburn. Ég er ánægður með að hafa átt gott fyrsta tímabil með liðinu," sagði Santa Cruz.

„Það hvetur mig til dáða að önnur lið sýna méráhuga en ef ég verð ekki seldur þá er ég ákveðinn í að leggja mig allan fram fyrir Blackburn."