Hvað varð um Stjörnustríðsdverginn?

Margir hafa velt því fyrir sér hvað orðið hafi um dverginn Kenny Baker sem er rétt rúmur metri á hæð og fór með hlutverk vélmennisins R2-D2 í Stjörnustríðsmyndunum góðkunnu. Baker og félagi hans Anthony Daniels, sem lék hinn gulli slegna C3PO, eru einu leikararnir sem komu fram í öllum sex Stjörnustríðsmyndunum.

Baker er fyrrverandi sirkusdvergur en hefur síðan dregið fram lífið sem plötusnúður og skemmtikraftur á sviði. Auk þess landaði hann litlu hlutverki (þ.e. sem dvergur) í kvikmynd um Mjallhvíti frá 1987. Þá má ekki gleyma því að sá stutti komst á forsíðurnar þegar hann var gripinn fyrir ölvunarakstur árið 2005.